Kom luister saam VlamVy – want ek weet jy like hom ook 
Lappieskombers
Jy verlam my met jou kyke
jou woorde en jou reuke
wat ruik soos lentebloeisels
wat weer na die Boland kom.
En ek plant jou in die Namib,
ek lei jou nat met soetwit
dan kyk ek dat jy opkom
in die glim van die môreson.
En ek bid jou vas in spierwit
wolke wat hier laag sit
om jou vir altyd veilig
in ‘n donskombers te hou.
Want jy’s die sout wat keer dat
ek sleg raak
Ja, jy’s die sif wat keer dat ek
wegraak
Ja, jy’s die hande wat bid,
jy’s die gom waaraan ek vassit.
Jy’s my lappieskombers in ‘n
koue wintersnag.
Ja, jy’s my lappieskombers in ‘n
koue wintersnag.
Jy’s my eerste potjie koffie,
my laaste sigaret
Jy’s die droom waaraan ek vasklou
as ek niks meer hier oor het.
Jy’s my storm in Augustus,
my kwaad doen se vergifnis,
die engel wat my oppas
as niemand by my wil staan.
Jy’s die laatmiddag son
wat nes skrop in my skoot
jy’s die laaste mens wat ek wil sien
op die dag van my dood.
En nog een van hom – baie hartseer song:
Filed under: Musiek
